MKUU WA MKOA WA MOROGORO BI. FATMA MWASSA AWAAPISHA WAKUU WA WILAYA

Imetolewa: January 28th, 2023

Mkuu wa Mkoa wa Morogoro Mhe. Fatma Abubakar Mwassa amewaapisha Wakuu wa Wilaya za Kilosa na Morogoro walioteuliwa hivi karibuni na Mhe. Dkt. Samia Suluhu Hassan Rais wa Jamhuri ya Muungano wa Tanzania kwa ajili ya kuongeza kasi ya utendaji kazi katika ngazi hiyo.

Hafla hiyo ya kuapishwa imefanyika leo Januari 27 katika ukumbi wa mikutano wa Ofisi ya Mkuu wa Mkoa huo.

Wakuu wa Wilaya walioapishwa ni Mhe. Shaka Hamdu Shaka ambaye ni Mkuu wa Wilaya ya Kilosa na Mhe. Rebeca Sanga Nsemwa Mkuu wa Wilaya ya Morogoro.

Mara baada ya kuwaapisha, Mkuu huyo wa Mkoa amesisitiza kufanya kazi kwa umoja, kuwa wabunifu, kufanya kazi kwa bidii na kuacha alama za kukumbukwa pindi wamalizapo kuhudumu na kufanya kazi kwa ushirikiano kama timu ili kuyafikia mafanikio na malengo waliojiwekea.

“...sisi ni timu moja, tuache alama”. Amesema Mhe. Fatma Mwassa.