.

Imetolewa: October 11th, 2018

Naibu Waziri  wa Madini Mhe. Dotto Biteko Amemwagiza muwekezaji wa kiwanda cha marble cha Zhongfaa kufuata taratibu katika uendeshaji wa kiwanda chake na uchimbaji wa madini katika kijiji cha Maseyu kata ya Gwata wilayani Morogoro.

Muwekezaji huyu wa kiwanda cha Zongfaa anayoleseni ya kuendesha kiwanda cha Mable na hana leseni ya kuchimba madini/mawe ambayo ni malighafi katika utengenezaji wa mable hizo

Naibu waziri ambaye alikuwa katika ziara ya siku moja mkoani hapa aliwasili mapema leo na kwenda moja kwa moja katika eneo la kiwanda kinachotengeneza mable/tiles akiambatana na Mhe. Mbunge wa Jimbo la Morogoro Kusini Mashariki Mhe Omary Tebweta Mgumba na kukutana na muwekezaji huyo ,  wafanyakazi , viongozi wa Halmashauri, madini mkoa waandishi wa habari pamoja na wananchi.

“Wizara ya Madini tunapambana na Rushwa hatutaki urasimu, tunataka mwekezaji yeyote anayefuata utaratibu afurahie kuona kwanini amefuata utaratibu” alisisitiza Mhe Naibu waziri akiwataka wawekezaji wa sekta ya madini kufuata taratibu kwa kutokutoa rushwa katika suala zima la mchakato wa uchimbaji wa madini.

Aliwataka pia wananchi wa eneo la Kijiji cha maseyu kutoa ushirikiano kwa muwekezaji na kukuaa na vizuri ili wawekezaji waweze kusaidia upatikanaji wa maendeleo yao kwa haraka.