KITUO CHA UFUNDI CHA VIJANA PANGAWE CHAWANUFAISHA VIJANA

Imetolewa: July 8th, 2018

Vijana katika kijiji cha Pangawe wamenufaika kutokana elimu ya ushonaji vya mradi wa vyerehani uliopo kjijini hapo. Mradi huo una lengo kuu la kuwajengea vijana uwezo wa ujiajiri kupitia mafunzo ya ufundi ya ushonaji ili kuweza kujitegemea na  kupambana na umaskini.

Mradi wa huu wa Kituo cha Ufundi cha Vijana upo katika kijiji cha Pangawe  Kata ya Mkambarani. ulianzishwa chini ya ufadhili wa  Shirika la Korea liitwalo Koica na kusimamiwa na Voluntia wa Korea kuanzia Oktoba 2010 kikiwa  na wanachama 20 ambao ni Vijana wa kike,Kikundi hiki kinajishughulisha na shughuli za ushonaji wa nguo.Mradi huu ulikabidhiwa rasmi kutoka kwa Voluntia wa Korea tarehe 27 oktoba 2015 na sasa unaendeshwa na wanakikundi.

Kikundi kinamiliki jengo lenye vyumba viwili na vyerehani 25 vinavyotumiwa na wanakikundi katika shughuli ushonaji na kutoa mafunzo kwa wanafunzi.Tangu kuanzishwa kwa kikundi jumla ya wanafunzi 126 wamepata mafunzo ya ushonaji wa nguo na kujiajiri wenyewe.

Mradi huu mpaka sasa umegharimu jumla ya tshs, 5,630,000.00 ikiwa ni fedha ya vitendea kazi ,ambapo Wahisani walichangia 4,630,000/= na wanakikundi walichangia 1,000,000/=

Hadi sasa jumla ya wanafunzi 126 wamepata mafunzo ya ushonaji na kuwawezesha kujiajiri kupitia ushonaji na hivyo kujiongezea kipato