JITOKEZE KUSHIRIKI UCHAGUZI: KINGWENDU

Imetolewa: October 10th, 2024

Ikiwa imebaki siku 1 tu kuzinduliwa zoezi la uandikishaji wa wapiga kura kwenye daftari la mpiga kura Kuelekea uchaguzi wa serikali za mitaa 2024, ambapo kitaifa zoezi hili litafanyika kijiji cha Chamwino mkoani Dodoma  na Mh. Rais wa Jamhuri ya muungano ya Tanzania,

Wananchi wa Halmashauri ya wilaya ya Morogoro wameendelea kuhimizwa na kuhamasishwa kupitia  msanii maarufu nchini ndugu Rashidi Mwinshehe maarufu kama   'Kingwendu' kuanzia  siku ya kesho  kufika kushiriki zoezi la uandikishaji. "Wakazi wa Mvuha mambo vipiii...Naomba ndugu zangu  kuanzia kesho  mpaka tarehe 20 uende ukajiandikishe ili ikifika tarehe 27 Novemba umchague yule umpendae kwa raha zakoo". Haya yamezungumzwa na msanii Kingwendu mara baada ya kuwasili katika uwanja wa shule ya msingi Mvuha saa 11:30 jioni akitokea  kata za  Mikese, Tununguo na  Ngerengere   katika zoezi zima la uhamasishaji wa uandikishaji wa wapigakura katika daftari la mpiga kura  kwa serikali za mitaa 2024.

Tumuunge mkono mh. Raisi kwa kujitokeza kwa wingi katika vitongoji vyetu kujiandikisha ili kupata tiketi ya uchaguzi wa serikali za mitaa  utakaofanyika tarehe 27, Novemba 2024.