Maafisa ugani wa kilimo waishukuru serikali ya Tanzania kwa vitendea kazi

Imetolewa: August 15th, 2024

Maafisa ugani wa halmashauri ya wilaya ya Morogoro  kwa furaha wamemshukuru rais wa Jamhuri  ya muungano ya Tanzania mh.Dk Samia Suluhu Hasani kwa kuwapatia vitendea kazi vya kidigitali ikiwa ni vishwambi na magwanda ya kilimo kwa lengo la kilimo chenye tija.

Maafisa ugani hawa wamekabidhiwa  jumla ya vishikwambi 77 na magwanda 79  na mwenyekiti  wa Halmashauri ya wilaya ya Morogoro  ndg. Lucas Lemomo leo katika ukumbi wa mikutano  wa halmashauri uliopo Mvuha na kuwataka  kutumia vitendea kazi hivi katika ukusanyaji wa mapato, kuwqsajili  wakulima kwenye mifumo ya pembejeo  kwa msimu husika na kwa ufanisi, na kuhakikisha  upatikanaji na usambazaji wa taarifa muhimu za shughuli za ugani zinapatikana kwa wakati.

"Hakikisheni vitendeakazi  hivi vinaleta tija na mabadiliko katika uchumi wa mkulima mmojammoja  na kuiongezea halmashauri mapato kupitia kilimo  cha kidigitali" amesisitiza mwenyekiti Lemomo.

Vitendea kazi vitamsaidia mkulima kusajiliwa kwenye mfumo, kuchukua matukio shambani, upatikanaji na  utoaji wa elimu kwa njia ya video na kurahisisha usambazaji wa teknolojiaza kisasana kilimo mashambani na mwisho kutumia  kupima na kupata ukubwa wa  mashamba  kupitia programu  na mdumo wa GPS.