MAONYESHO YA NANENANE YAHITIMISHWA RASMI

Imetolewa: August 9th, 2019

Makamu wa Rais  wa Jamhuri ya Muungano wa Tanzania Mhe. Samia Suluhu Hassan ameuagiza Uogozi wa Maonyesho ya nanenane Kanda ya Mashariki kuhakikisha Taasisi zote za kilimo, mifugo na Uvuvi zinafanya shughuli zao katika Uwanja wa maonesho wa Nanenane kanda ya Mashariki mwaka mzima badala ya kusubiri kipindi cha maonesho hayo pekee.

Makamu wa Rais ametoa agizo hilo leo Agosti 8, mjini Morogoro wakati anafunga rasmi maonesho ya Wakulima, Wafugaji na Wavuvi Maarufu kama Nane nane Kanda ya mshariki yaliofanyika katika viwanja vya Mwalimu Julius Kambarage Nyerere mjini Morogoro.

Makamu huyo wa Rais aliwaagiza Wakuu wa Mikoa na Wilaya zilizopo katika Kanda hiyo kusimamia usalama wa chakula kwa kuweka msisitizo kwa wakulima kufanya kilimo biashara na sio kuwataka wabaki na vyakula ndani pekee.

Mkuu wa Mkoa wa Morogoro Dk. Kebwe Stephen Kebwe  amesema Mkoa umejiwekea lengo la kuhakikisha wanafikia kulima hekta laki tisa ikiwa ni pamoja na kuhakikisha kuendelea kulima mazao ya kimkakati.

MWISHO.