UTALII WA NDANI KISAKI MAJIMOTO

Imetolewa: January 14th, 2025

Kivutio cha utalii maji moto ni moja ya eneo la kimkakati lililohifadhiwa  kwa ajili ya kuvutia watalii na wageni mbalimbali wanaokuja kwa lengo la kufurahia mazingira ya kiutamaduni (cultural tourism) ndani ya Halmashauri ya Wilaya ya Morogoro.

 Eneo hili  ni asilia linalotoa chemchem za Maji moto ambapo  linafaa kwa kuweka Kambi za   muda( campsites), kupiga picha ,kunawa na kuoga Maji ya moto kwenye chemchem za asili zinazotiririsha  Maji kwa kipindi chote cha mwaka. Mvuke wa Maji moto kwenye chemchem hizi unaweza kuushuhudia vizuri nyakati za asubuhi  kabla Jua kuchomoza.

Maji haya ya moto yanayotoka kwenye chemchem  hizi yanasadikiwa kuwa tiba mbadala kwa kutibu magonjwa ya ngozi kama fangasi, muwasho, utangotango, mapunye ,upele, na maradhi mengineyo yakiwemo matatizo ya uzazi. .Maji haya huaminiwa kwa kuondoa mikosi na mabalaa na pia kwa wenye shida mbalimbali huyatumia  maeneo haya kwa tambiko.

Wageni wengi wanapofika katika eneo  hili hupendelea kutumia Maji haya kunawa uso, miguu na mikono ikiwa  ni ishara ya  kuomba kutatuliwa shida mbalimbali yakiwemo maradhi.  

 KARIBU HALMASHAURI YA WILAYA YA MOROGORO     KARIBU  KISAKI  MAJI MOTO.